Tĭng nău nchră bôk nău rgop an tâm nchră, Dak Lak nchrŏng trong hun hao pâl nđaih tĭng trong uĕh nđĭr, nâp nâl, hăn ndrel đah mât ndrăy ăp nău khlay văn hóa ta ntŭk, bri dak ntŭk ntô n’hanh ndâk njêng ndơ pâl nđaih ntĭt mpơl bah nkual Tây Nguyên.  Ăp trong ndơ khlay dơi năl lah pâl nđaih sinh thái, rlu rlău, ƀư ngăn văn hóa nsum mpôl, pâl nđaih lŏ mir, pâl nđaih cà phê, pâl nđaih rveh dăch đêp n’hanh pâl nđaih hăn ndrel Ntŭk ntô văn hóa chĭng gông. Ta rƀŭn nchră, âk đại biểu an lah Dak Lak geh âk nău geh hun hao pâl nđaih knơm geh âk bri, dak leng, n’glău geh ơm ndrel nău uĕh văn hóa ntĭt mpơl bah Tây Nguyên. Yơn lah, n’gor an kơp uănh na nê̆ moh ndơ dôl geh gay hun hao prêh; kơl lor ăp ndơ geh nău uĕh khlay. Wa Phan Bửu Toàn, Groi Kruanh Hiệp hội Pâl nđaih TP.HCM nkoch nău rgop.

Gâp mĭn bôk năp lah Dak Lak an kơp uănh tay ăp ndơ khlay lĕ geh hôm n’hanh dôl ta moh rnoh, nsrôih ndâk njêng n’hanh jêh, n’hao uĕh ndơ nĕ haogay he mât nău geh nĕ. Ntĭt nsa kơt, lah tât cà phê ri bu lah tât cà phê ri bu lah tât Dak Lak, ndơ cà phê ri mô geh dơh kơt nĕ ma du trong rêh đah cà phê, nĕ lah du trong ƀư ngăn mpeh trong nău rêh cà phê, rnôk nĕ jêng ndơ prêh uĕh lơn. Lah he mô geh nău êng bah nău dăng ri he an ƀư êng mpeh ndơ rbân.

Du đêt nău rgop an lah, pâl nđaih Dak Lak hôm e âk ntŭk kol kơt ntung trong mô hŏ tâm ban, mô tŏng ndơ uĕh kah, nău rhŏ tâm măng hôm e đêt n’hanh mô geh âk doanh nghiệp ntuh kơl geh soan rêng hvi. Tĭng wa Đặng Xuân Vũ, Giám đốc Công ty Pâl nđaih Đắk Việt, nău đêt đă bah ăp ntŭk pâl nđaih ta n’gor dôl ƀư jêr an nău jêng ăp tuor tâm pleh, nkân jâng năch pâl nđaih.

Đah Đông n’hanh Tây bah n’gor ri nău tâm rgop mô hŏ tâm di ndrel, ri aƀaơ dôl hôm e đêt đă, jêng lah ndơ aơ mô hŏ tâm ban ndrel, n’hanh tâm ƀah đah 2 nkual hôm e ngai. Jêng gay ma tâm rgop aơ boăt nthoi jêng du tour ri dôl hôm e jêr, lah mông nar hăn bah năch đah 2 ntŭk tât gay dơh lơn n’hanh bah kơi aơ ndơ nĕ mbra dơh nău tâm rgop dơhg lơn.

Wa Lê Phúc Long, Groi Giám đốc N’gâng kan Văn hóa, Thể thao n’hanh Pâl nđaih n’gor Dak Lak an gĭt, n’gor nchrŏng trong hun hao pâl nđaih tĭng trong hao ƀư ngăn, jŏ jong nar rlu rlău n’hanh n’hao rnoh dŏng bah năch pâl nđaih rgâl yor rgum n’hao rnoh năch. Ndrel đah nĕ, n’gor uănh khlay tâm rgop đah ăp ntŭk duyên hải Nam Trung bộ gay jêng ăp trong pâl nđaih tâm rgop dak lêng n’hanh bri krŏng yôk prêh.

Yor ăp ntŭk kol jêng pâl nđaih Dak Lak dôl hăn bah kơi nkôp đah ăp ntŭk êng kơt Gia Lai mô lah Khánh Hòa mô lah Lâm Đồng. N’gâng kan lĕ tâm rgop đah ăp nău kan gay mbơh an UBND n’gor, geh âk nkô̆ nău geh tât Chính phủ, ăp n’gâng kan, nău kan ri an kâp ăp N’gâng kan, nău kan geh tâm rgop. Gay hun hao pâl nđaih ri N’gâng kan mbra tâm ôp tâm nchră ndâk njêng nghị quyết ntop kơl hun hao pâl nđaih tâm ban n’hanh ta lam n’gor kơt lah ăp nău ƀư pâl nđaih, bah nĕ lah geh rpăi nău kơl gay an ăp ntŭk kơt lah nău kan mbơh ƀư tâm khay tât.