Ntoh ngơi ta nglôch lôch rơh rƀŭn nchră, Groi Thủ tướng Hồ Quốc Dũng lah na nê̆ công nghệ kan tơm lah ngoăy tâm âk nău nsrôih gay ma ntrôl an hun hao n’hanh mât nău kan ƀư tơm tâm pe jrŏng kan khlăy: Khoa học công nghệ, rgâl mhe nău kan n’hanh rgâl mhe rnoh mbrô. Gay ma ntrôl ngăch nău kan, Groi Thủ tướng đă tâm khay 6 aơ an geh ƀư lôch Nghị định ntĭm leo ƀư Luật Công nghệ mhe, tam nĕ geh ăp nkô̆ nău geh tât công nghệ mhe kan tơm khlăy, nkre lah mĭn uănh, mbơh dăn đă nău uănh năl, mbơh tơih n’hanh lir ntô ntil ndơ công nghệ kan tơm. Ăp nău kan, n’gâng kan an geh leo pă nuĭh kan, rnoh kan gay ma ƀư dâl ăp ntrong kan geh pă jao, nsrôih geh ăp ntil ndơ na nê̆ tâm năm 2026.