Ta Cung Văn hoá Lao động Hữu nghị Việt Xô, Prăk nkrem ntop kơl kon se Việt Nam ƀư bôk nău kan “Khay năm mhe an oh” tâl 19 đah nkô̆ “Jeo mbro ăp rum gơm”. Lah ta măng ƀư, Groi Kruanh dak Võ Thị Ánh Xuân lah kloh, tâm ăp năm rlău aơ, lơn lah năm 2025, ta nâm nău rđău đă bah Đảng, dak he hŏ tĭng ƀư âk nău dơn kan khlay têh jong, njêng bôk ntơm gay ndơ̆ neh dak lăp tâm rơh hun hao mhe – rơh hun hao ăp tŏng, têh ndrŏng, rhơn răm.

Nkre, ân ât rdâng đah nuh srê, trôk nar lơh, phŭt dak dak bŭk geh mbro ta âk n’gor, nkual mpeh yôk yang lam dak, hŏ khuch tât nău rêh bah âk nuĭh ƀon lan, lơn lah ăp nuĭh dơh geh tât khuch, tâm nê geh kon se. Tâm rnôk nê, Đảng, Ngih dak hŏ n’gluh an dŏng âk trong nchrăp, trong kơl ndrel lam rêh jêng kon nuĭh rong âk tơm ndơ ntop kơl năn ngăch an ƀon lan, lơn lah đah kon se, mô an geh nuĭh jêr jŏt ir tâm nău rêh. Ta măng ƀư “Khay năm mhe an oh” tâl 19, prăk nkrem ntop kơl an kon se Việt Nam dơn rlău 116 rmen prăk bah bơi 60 mpôl, ăp nuĭh an kon se geh nău rêh jêr jŏt mha êng tâm năm 2026.