Ôi (07/01) ta Nhih pah kan Chính phủ, Thủ tướng Chính phủ Phạm Minh Chính ƀư tơm rơh hop djăt siƀŭt mbơh rnoh ngăch tĭng ƀư "Trong kan ndăng Quang Trung" jăch ndăn rdâk mon tay, nkra jay gŭ an ăp rnăk geh jay khuch khat tă bah ăp rơh trôk nar lơh ta ăp n’gor miền Trung - Tây Nguyên.

Ta rơh hop, Thủ tướng Phạm Minh Chính mpư rnê kruanh rđău kan ăp n’gâng kan, ăp n’gor hŏ nsrôih an ƀư "Trong kan ndăng Quang Trung" n’hanh lah rjăp aơ lah nuih n’hâm yor an ƀon lan; mpơl trong kan mbra lôch jêh uĕh lăng, tâm nê, 34.759 mblâm jay hŏ ƀư lôch jêh nău nkra ƀư, nuĭh ƀon lan hŏ plơ̆ sĭt jay n’hanh gŭ rêh kơt ơm. Đah jay mhe mon, Thủ tướng an lah hŏ rdâk mon lôch jêh 1.046 mblâm jay, geh tât 65,5%, aơ lah nău dơi dŭt têh bah ăp n’gâng kan, ăp n’gor. Dơn hôm 2 n’gor Gia Lai n’hanh Dak Lak ân nsrôih ƀư lôch jêh tâm nar 15/1. Thủ tướng an lah ăp jay ƀư lôch jêh ân geh điện, dak, viễn thông, geh năp ndơ dŏng an nuĭh ƀon lan.