Gay đăp mpăn ntung trong n’hanh nkra jêh nău pĭch  râm hô ta trong yôk Prenn-mpông luh mpeh bah dâng n’hanh nklang Đà Lạt, n’gor Lâm Đồng wă rlu hăn du gâl yôk Prenn tâm 6 nar, kơp bah 9/1 tât lơ 15/1/2026. Nău mô an nuĭh n’hanh ndeh hăn dơi kơt dŏng đah lvang bah jâng yôk Prenn tât bah năp Nkual pâl nđaih dak leng Datala, ta phường Xuân Hương-Đà Lạt.

Aơ lah nkual tă geh pĭch rlâm hô n’ăp ta luy bah dâng n’hanh ta luy bah lơ tâm rơh mih têh n’gul khay 11 năm e. Nău ntrŭnh an rlu hăn du gâl yôk Prenn gay mbơh ƀư trong nkra nău rluh rhung ta Km224+650. Tâm 6 nar, nuĭh ƀon lan n’hanh ndeh luh lăp nklang Đà Lạt dơi đă hăn dêr yôk Mimosa-Quốc lộ 20 mô lah trong yôk Sacom Tuyền Lâm. Ta năp nĕ, n’gor Lâm Đồng lĕ mbơh nu nău ndal mpeh trôk nar đah trong yôk Prenn. Tĭng trong nchră, nău nkra ăp ntŭk pĭch rlâm hôm ƀa ƀă ta yôk Prenn mbra jêh soih ndeh lĕ trong ta năp Tết Nguyên đán Bình Ngọ 2026./.