N’gor Gia Lai lĕ rhoăt đêt têh dăng trong mkra samƀŭt hành chính tâm âk ntil nău-ƀư dŭt n’hâm rgâl ntŭk ntô ntuh kơl-tăch rgâl, n’hao uĕh rhŏ an nuĭh ƀon lan n’hanh doanh nghiệp. Aơ lah săk rnglăy ntoh lư tâm rgâl hành chính bah n’gor, dơi nkoch ta rƀŭn mbơh yor UBND n’gor Gia Lai ƀư. Năm 2025, n’gor lĕ kơp uănh lĕ rngôch ăp samƀŭt hành chính, koh n’hŭch rlău n’gul mông nar mkra, rlău rnoh an Chính phủ jao.

Dôl uănh, mông nar ƀư samƀŭt geh tât ntuh kơl, ndâk ƀư, ntŭk ntô gŭ âm dơi rhoăt ngăch; đah nău nchrăp ƀư bah dih nkual công nghiệp hŭch jŭr hôm nklăp 60 nar, tâm nkual wăng sa hôm 38 nar. Mông nar an samƀŭt kơp dơn dăn tăch rgâl dơi rhoăt bah 3 nar jŭr hôm 3 mông. Gia Lai lah ntŭk mbơh ƀư 100% samƀŭt hành chính mô knơm ntŭk hành chính; nkre ntrôl dăn pă gưl, jao an n’hanh nău kơl n’hŭch, mô sŏk prăk đah samƀŭt rhoăch ƀư trực tuyến. Knơm nĕ, rnoh samƀŭt rhoăch nău ndơ̆ trực tuyến geh rlău 95%, samƀŭt rhăch nău mkra di ngăn geh bơi 98%. Đah ăp săk rnglăy aơ, rnoh rhŏ an nuĭh ƀon lan n’hanh doanh nghiệp bah Gia Lai dăp tal 2 lam dak, tâm rmôt ăp ntŭk geh uĕh rhŏ nău kan.