Đồng Chí Trần Cẩm Tú lah na nê̆, nchrăp ta lơ 14/1 tay mbra geh rlong ƀư n’hanh 15/1 rlong ƀư lĕ rngôch tay ăp nău kan nglâ̆ dŭt ê lor geh ntơm pơk Đại hôị 14, yor nĕ ăp ntŭk kan an geh tâm rgop kan na nê̆, n’hao nău mĭn dơn kan ƀư lôch ăp ntil ndơ nchrăp nchih lir, nău nteh, ntŭk ang...ta rơh rƀŭn nchră tơm tĭng di nău ƀư n’hanh mbơh tơih ntĭm leo ta rơh uănh nđôi, mât đăp mpăn an tâm di, ueh, ƀư dăp di nău way. Tĭng nău nchrăp, Đại hội đaị biêủ lam dak tal 14 bâh Đảng geh ƀư tâm 7 nar bâh lơ 19-25/1/2026. Bâh aƀaơ tât rơh pơk Đại hôị 14 bâh Đảng hôm nha geh rlău 10 nar, rnâng kan Ban Bí thư Trần Cẩm Tú mpơl nău knơm ăp ntŭk kan geh kan mbra geh nsrôih kơl tay, nsrôih âk, tâm rgop an ueh gay ma ƀư lôch ăp nău kan hôm e đah nău dơi têh ngăn, gay ma tât lơ 14/1 ƀư rlong bôk năp, lơ 15/1 mbra ƀư rlong lĕ rngôch ăp nău kan hôm e ê lor ntơm pơk ngăn Đại hôị.