Kêng măng (6/1), Thủ tướng Chính phủ Phạm Minh Chính râng Rƀŭn nchră N’glôch jêh trong kan năm 2025, mbơh ƀư nău kan năm 2026 bah Nău kan prăk kaih. Rnê rhơn, uănh lah ăp nău nsrôih hao ngăch n’hanh âk nău rgop khlay bah Nău kan Prăk kaih đah hun hao wăng sa-rêh jêng bah neh dak năm 2025, Thủ tướng rgum lĕ jêng 32 rplay “Tâm ôp tâm nchră di na nê̆-N’gâng kan ngăch đêt-Nkra njêng lôch jêh-Sŏk dŏng geh rmeh-Doanh nghiệp rgâl mhe-Têh kuăng đăp mpăn-Nuĭh ƀon lan uĕh lăng-Neh dak hun hao”.

Năm 2026, Thủ tướng jao an Nău kan prăk kaih mbơh ƀư trong way kan: “Mpŏng ŭch têh dăng-Nkra njêng hăn lor-Ƀĭt joet săk rnglăy-Rgâl mrô hăn lor-Sŏk dŏng rgâl mhe-Prăk kaih nâp nâl”. Thủ tướng đă Nău kan prăk kaih hăn lor mpeh rgâl mhe nău mĭn, rgâl an nâp nâl hun hao; tâm ôp tâm nchră đăp mpăn prăk kaih ngih dak geh tơm khlay; hăn ndrel, ntop kơl 2,3 rkeh rnăk tăch rgâl, rgâl an trong ƀư mhe dơh ngăn, uănh aơ lah bôk nău an khân pơng hun hao jêng doanh nghiệp tĭng Nghị quyết 68. Thủ tướng nsing nơm, nău kan Prăk kaih mbra mât hun hao n’gâng tơm, lôch uĕh nău kan năm 2026, soih luh ăp tơm prăk gay rgâl mpŏng ŭch jêng ngăn ngên, jêng nău nâp nâl, rgop ndơ̆ neh dak hăn lăp rach năm hao êng nơm.