Rơh rƀŭn nchră lĕ dơn ngoăy mbơh tơih 145 nuĭh ứng cử ƀư đại biêủ Quốc hôị pah kan way kan khoá 16 ta Trung ương. Ntoh ngơi ta nglôch lôch rơh rƀŭn nchră, Kruanh Quốc hôị Trần Thanh Mẫn pă an rnâng kan Uỷ ban mât leo nău kan đại biêủ tâm rgop đah ăp ntŭk kan an geh uănh năl tay săm ƀŭt kan, ƀư lôch nău kan mbơh tơih bâh Uỷ ban rnâng kan Quốc hôị mpeh rnoh nuĭh geh mbơh săch lăp ƀư ứng cử đại biêủ Quốc hôị way kan khoá 16 ta Trung ương n’hanh mbơh tơih tât ăp ntŭk kan nuĭh kan gay ma sŏk nău tâm rgop bâh ƀon lan ta ntŭk pah kan n’hanh mbơh tơih ƀư tĭng nău way kan ứng cử Đại biêủ Quốc hôị pah kan way kan khoá 16 ta trung ương mât đăp mpăn di tĭng nău  ntrŭnh bâh pháp luật, ƀư lôch nghị quyết ntop săch nuĭh kơl kan Groi kruanh rnâng kan Quốc hội. Kruanh Quốc hội ntĭm đă ntŭk kan Quốc hôị tâm rgop đah Uỷ ban mât nău kan đại biêủ ƀư rơh rƀŭn nchră sŏk nău tâm rgop bâh ƀon lan ta ntuk kan đah ăp đồng chí geh mbơh tơih ứng cử dôl pah kan ta ăp ntŭk kan bâh Quốc hôị.