N’gor Gia Lai mhe mbơh trong nchrăp ƀư tâm rlong rwăt drăp, tâm rlong ndranh 138 nău nchrăp ƀư khlay tâm năm 2026, gay mbơh ƀư săk rnglăy tu tơm neh ntu, wăch rgum ăp nuĭh ntuh kơl geh nău dơi, geh nuih n’hâm ntrôl hun hao wăng sa-rêh jêng bah n’gor. Tĭng ntil ndơ yor Ntŭk Ntrŭt ngăch Ntuh kơl n’hanh Kan ndrel n’gor Gia Lai mbơh, tâm dĭng lĕ 138 nău nchrăp ƀư geh 24 nău nchrăp ƀư dơi ƀư tâm rlong rwăt drăp dơi dŏng neh.

Dôl uănh, âk nău nchrăp ƀư têh dơi ndơ̆ an tâm rlong rwăt drăp ta ăp nkual nklang n’hanh ntŭk geh âk nău dơi hun hao. Ta nkual ƀon têh Pleiku geh Nkual têh CK54 đah rnoh neh 65,8 ha n’hanh nkual têh sinh thái Trà Đa hvi 53ha. Rlău ma nĕ hôm geh nkual ƀon lan gŭ ta xă Đức Cơ (12,21ha) n’hanh xă Cát Tiến (15 ha). Đah nău mbơh ntil ndơ ăp nău nchrăp ƀư, n’gor mpŏng kâp mbra ƀư săk rnglăy tu tơm neh ntu, wăch rgum ăp nuĭh ntuh kơl geh nău dơi, rgop ntrôl hun hao wăng sa-rêh jêng, ntơm jêh ngih wâl ntung trong nkual têh, tăch rgâl, nău rhŏ n’hanh pâl nđaih ta lam n’gor tâm năm tât.