Ôi lơ 13/3, Kruanh Quốc hội Trần Thanh Mẫn, Kruanh rmôt kan mêt uănh mrô 1910 bah Bộ Chính trị pah kan đah rđau kan bah n’gor Bình Định mbơh nau nchrăp nau tă geh bah nau mêt uănh bah Rnâng kan n’gor uỷ mpeh nau rtŭt gleh ntrong kan, nau kan nchrăp Đại hội Đảng bộ ăp gưl rƀŏng tât Đại hội ntoh măt lam dak tal XIV bah Đảng; Bôk nau kan ntop mpeh nau hun hao văng sa, rêh jêng năm 2025 đah nkô̆ nau hun hao geh 8% hao gŏ lơ...Jêh geh djăt nau mbơh nau tă geh mêt uănh bah Rnâng kan n’gor uỷ Bình Định, ăp nau rgop bah rmôt kan mêt uănh, bah rđau kan n’gor uỷ Bình Định, ntoh nau tâm nar nchrăp bôk nar pah kan.

 Kruanh Quốc hội Trần Thanh Mẫn mbơh, rmôt kan mêt uănh djăt ăp nau mbơh. Đah nkô̆ nau hun hao 8%, Kruanh Quốc hội rnê prêh n’gor Bình Định nsôih mra geh dơi ndrel rlet nkô̆ nau nchrăp luh. Kruanh Quốc hội nkah, Bình Định ŭch mât nâp nau ntrŭnh bah Đảng, pháp luật bah Ngih dak tâm nau ƀư rtŭt gleh nau kan, ƀư ueh nau ntrŭnh mrô 35, lah nkol dăn nau rgop bah ntŭk kan, nkre mbơh nau ma Bộ Nội vụ gay nchrăp ƀư kan, nau rđau trong văng sa, rêh jêng ân geh tĭng nau tât bah lam ntur neh kŏ kơt lah tâm dak gay tâm di ma nau kan ngăn./.