Tĭng nău mbơh, 6 khay bah năp, wăng sa-rêh jêng bah Lâm Đồng geh âk tay săk rnglăy uĕh yơn hôm e mô đêt jêr jŏt. Hao jêng GRDP geh bơi 8%, mô geh nău nchrăp n’gluh an lah rlău 9,3%; nkual công nghiệp-ndâk ƀư n’hanh nău rhŏ hao jêng đêt lơn nău rƀŏng.

Geh prăk nkra njêng hŭch nkôp đah rơh aơ; pă an prăk ntuh kơl nsum mhe geh bơi 14% trong nchrăp; nkra rgâl hành chính, rgâl mrô ta du đêt ntŭk hôm e mbrơi, mô tâm ban. Rơh rƀŭn rgum uănh mĭn tay, tâm nchră n’hanh mbơh an 24 nghị quyết mpeh ăp trong kơl, nău kơl hun hao wăng sa-rêh jêng, ntuh kơl nsum, tâm pă prăk, đăp mpăn rêh jêng n’hanh nău kan bah n’gâng kan bah dâng; nkre ntơm trong kan nuĭh kan tĭng nău dơi mkra, ôp n’hanh ơh nău ôp đah ăp ntil nău dơi nuĭh ƀon lan n’hanh nuĭh ƀon lan uănh tât. Rơh rƀŭn ƀư tât lĕ lơ 2/7.