Tĭng trong nchrăp lam lĕ rngôch, n’gor mbra hŭch 628 ntŭk ntĭm nti mầm non, phổ thông n’hanh ntĭm nti way mbro, hôm 825 ntŭk ntĭm nti.

Nău dăp rgum dơi tĭng ƀư n’glăp dơn ngoăy, dăp rgum tay nhih nti tâm di đah rnoh âk rnoh nuĭh, ntŭk ƀon lan gŭ n’hanh nău ŭch geh mât bôk kan. Ndrel đah nê, Lâm Đồng nchrăp hŭch rlău 1.000 cán bộ mât bôk kan n’hanh 680 nuĭh kan nhih nti, lơn âk lah văn thư, kế toán, thủ quỹ. Ăp ntŭk wat jêh njêng nhih nti lôch dăp rgum bah năp nar 27/8 n’hanh jao nuĭh kan, hồ sơ, prăk kaih, drăp ndơ bah năp nar 30/8. Trong nchrăp geh nău tâm ban ŭch âk bah rmôt nai ntĭm nti.