Lah rjăp nău khlay rdâk njêng ntŭk ntô dơh nơih an hun hao bah bar nhih pah kan njêng pháp luật, Kruanh Quốc hội Việt Nam dăn đă bar ding n'hao dăng kan nsum tâm nău ntrŭt ntrôl, groi nđôi nău tâm nchră, ký ton n'hanh an ƀư ăp siƀŭt, nău tâm ton tơm kơt Hiệp định tâm boh đah bar Chính phủ, Hiệp định dêr sŏk soăy bar tơ̆ n'hanh Hiệp định ntrŭt nsôr n'hanh mât njrăng ntuh kơl. Bar ding tâm ban ŭch n'hao dăng tâm ôp nău lư, mbơh gĭt nău mhe ăp trong kơl n'hanh quy định mhe bah nơm, lơn lah ăp trong kơl geh tât tăch n'gluh, wăch rgum ntuh kơl dak bah dih. Mpeh tâm boh âk ding, bar kruanh rđău kan lah rjăp bar dak mbra n'hao dăng tâm ôp nău lư, ntik n'hao tay nău tâm rŏng uĕh lăng n'hanh nău ntop kơl khlay ta ăp rgum nchră dak bah dih, lơn lah ăp rgum nchră nghị viện âk ding kơt Liên minh Nghị viện lam ntŭr neh (IPU), Liên minh Nghị viện Pháp ngữ (APF).