N’glôch jêh rơh pah kan, Tổng Bí thư, Kruanh dak Tô Lâm lah rjăp, nuĭh gĭt blău lah tơm ndơ khlay mha êng bah neh dak. Nău hun hao, wăch rgum n’hanh dŏng nuĭh gĭt blău ân ndơ̆ tâm ntŭk rgum lĕ rngôch hun hao neh dak, sŏk nău geh neh dak, rnoi nuĭh n’hanh nău ŭch tĭng ƀư ăp nău kan têh jong ƀư trong rƀŏng dŭt têh.

Tổng Bí thư, Kruanh dak đă gĭt năl, uănh năl nuĭh gĭt blău nsing ta nuih n’hâm uĕh lŏng, nău dơi ngăn ngăn, nău mĭn blău ƀư njêng mhe, ndơ geh ƀư ngăn ngăn, nău dơi n’hanh rnoh khlay n’groh an; mô dơn ngoăy đah nuĭh gĭt blău đah nuĭh geh bằng cấp têh, nău kan têh mô lah jŏ năm pah kan. Nkre, ân nkre wăch rgum nuĭh gĭt blău đah n’glăp dŏng, jao nău kan na nê̆; rgâl mhe trong kơl, nta trong dơh n’groh an n’hanh pơk hvi ntŭk hun hao. Chính phủ, ăp n’gâng kan bah lơ, n’gor ntrŏng kloh ăp nău nkra têh ân geh nuĭh gĭt blău nkra, nkre đah rnoh tât kan, ndơ geh ƀư, n’glĕ nar ton n’hanh rnoh nsing uănh năl.