Bơi 30 y, bác sĩ, dược sĩ bah Nhih dak si Thủ Đức, Nkual ƀon têh Hồ Chí Minh, hŏ but săm lam lĕ rngôch, mbơh nti n’hâm suan n’hanh phăt dơm dak si an bơi 500 nuĭh ƀon lan.

Nkhêp geh rnôk dja, Nhih máy Nhiệt điện Vĩnh Tân 4 rgŏ jă kơl 1 tấn phe, ăp nklâm 5 kg, an nuĭh ƀon lan tât but săm; kan nsum đah ăp nuĭh lŏng nuih n’hâm ndơ̆ kơl 50 nklâm học bổng n’hanh nklâm ndơ an kon se geh nău rêh jêr jŏt. Nhih máy ndơ̆ rnoh kơl ăp tŏng geh nău rêh rlău 500 rkeh prăk an UBND xã Vĩnh Hảo, lĕ ma prăk rvăt năp ndơ dŏng kan dak si n’hanh mon mhe, nkra 6 mblâm jay tâm rŏng an rnăk ach o, rnăk dơi kơl jêr jŏt mpeh jay gŭ.