Aơ lah ăp nuĭh lĕ khĭt tâm lơh tâm su đah Prăng. Tâm mông nar rngot klâng, kruanh n'gor Khánh Hòa, mpôl tahen, n'gâng kan ta ntŭk n'hanh nuĭh rnăk wâl ăp nuĭh lĕ khĭt an nkao, mpoh nhang, nkah gĭt ăp nuĭh lĕ khĭt yor đăp mpăn, dah rŏng bah neh dak. Wa Nguyễn Long Biên, Groi Kruanh Rnâng kan UBND n'gor Khánh Hoà, Groi Kruanh Rnâng kan rđău đă "Trong kan 500 nar măng ntrôl dăng tĭng ƀư joi, rgum n'hanh năl săk nuĭh khĭt tâm lơh kăl e" răk nău rêh nău kan bâh ăp tahen khĭt tâm lơh kăl e.  Nău leo sĭt ăp tahen khĭt tâm lơh kăl e sĭt tâp tâm neh me tơm "nău đă bah play nuih", mpơl nău dơn kan n'hanh nău nkah gĭt jru bah rơh kơn aƀaơ đah ăp nuĭhan lĕ nău rêh, mham suan an neh dak.Ntơm bah rnôk an ƀư Trong kan 500 nar măng, n'gor Khánh Hoà hŏ joi, rgum geh 14 nting tahen khĭt tâm lơh kăl e.