Chính phủ đă săk moh Bôk nău kan jêh rgum nsum lah: “Bôk nău kan rƀŏng tĭng lam dak hun hao văn hóa-rêh jêng, thôn ƀon, rnoi mpôl đêt n’hanh nkual yôk lvang 2026-2035”. Bôk nău kan dơi n’hŭch ach o, hun hao nkual rnoi mpôl đêt n’hanh nkual yôk; mât uănh săk soan, rnoh nuĭh n’hanh hun hao, dăp geh 7 rmôt nău kan khlay.

Dĭng lĕ prăk rgŏ jă lvang 2026-2030 nchrăp geh rlău 808.000 rmen prăk, tâm nĕ tơm prăk trung ương lah 345 rbăn rmen prăk. Nchrăp N’gâng kan tuch tăm mât rong n’hanh ntŭk ntô gŭ âm ƀư ngih pah kan tâm pă nsum, kơl nău kan Ban Ntĭm rđău Trung ương; N’gâng kan prăk kaih dơn uănh lĕ rngôch nău kan, tâm pă, tâm pleh prăk; ăp N’gâng kan way kan an ƀư tâm di, rnoh an ƀư, uănh lah săk rnglăy bôk luh; n’gor kơt dŏng nău way “Ƀon lan ntrŭnh, ƀon lan ƀư, ƀon lan trok dơn nău kan”, săch êng ndơ ƀư, kơl lor prăk, trok dơn lĕ rngôch nău kan mpeh ueh nâp, ngăch prăl.