Kruanh Quốc hội Trần Thanh Mẫn an lah, trong nchrăp luật gay nkra kô̆ yơn trong tĭng ăp kôp đah Luật Ntuh kơl, rgâl mhe tŏng an nău ŭch geh tâm pă gưl, tâm pă kan dăng tâm rơh mhe; lơn lah nkra bah nău ndop lhăt. Luật Ngân sách dôl dŏng aƀaơ, n’gor mô dơi sŏk dŏng rlău n’har ntŭk neh he mât bôk kan; Luật Ngân sách mhe an tâm boh dŏng ngân sách n’gor ntuh kơl ntŭk ntô ntêng lêng nkual, lơn lah ntung trong aƀaơ. Luật Ngân sách dôl dŏng aƀaơ tâm pă na nê̆ an tĭng săk nchih gâl kan n’glăp nsum; Luật mhe rgâl nkra lah ân jao klŭp tĭng rnoh tât kan, n’gor tâm rlak tâm ban êng. Luật Ngân sách dôl dŏng aƀaơ kơp uănh ntơm bah bôk lăp; Luật mhe uănh năl lôch jêh geh trong luh KPI.