Tĭng ƀư Nghị quyết 60, nar 12/4/2025 bah Tâm nchră tâl 11 Ban Chấp hành Trung ương Đảng khóa 13, pe n’gor Lâm Đồng, Dak Nông n’hanh Bình Thuận n’glăp jêng du nhih pah kan gưl n’gor n’hanh sŏk săk ntơ n’gor Lâm Đồng, lah ntŭk rgum kan chính trị - hành chính ƀư ta n’gor Lâm Đồng aƀaơ. Gay ơm ƀư wat jêh ăp trong dăp rgum nuĭh kan, đăp mpăn ăp kôp, kan geh nău tam n’hanh mpêt nkrem tơm nuĭh kan, UBND n’gor Lâm Đồng đă ăp n’gâng kan bah n’gor ƀư tơm, kan nsum đah ăp nhih pah kan tâm ban nê bah bar n’gor Bình Thuận n’hanh Dak Nông gay rdâk njêng trong nchrăp n’glăp nsum. Trong nchrăp ân đăp mpăn ƀư ngăch di tĭng trong nchrăp bah n’gor, wat jêh n’hanh njuăl sĭt Sở Nội vụ n’gor Lâm Đồng uănh năl di, rgum bah năp nar 22/4 tât. Lôch n’glăp 3 n’gor Lâm Đồng, Bình Thuận n’hanh Dak Nông, n’gor mhe Lâm Đồng geh lĕ rngôch rnoh hvi 24.233km2, rnoh âk nuĭh bơi 3.300.000 nuĭh.