Ntoh ngơi ta rơh rƀŭn nchră, Thủ tướng Lê Minh Hưng đă ăp n’gâng kan, ăp ntŭk kan an geh leo kan, mĭn kan mhe, mô geh kâp knơm, nde ma nău kan gay ma ƀư mbrơi trong kan n’hanh nău ueh dơi pah kan. Thủ tướng đă an geh mbơh tơih tâm ban, di nău way kan, nău kan pháp luật, ƀư tĭng nău way kan kĩ thuật an đăp mpăn. N’hao nău dŏng khoa học công nghệ, rgâl mhe nău mĭn kan, rgâl mhe rnoh mbrô n’hanh rgâl mhe ueh nđir tâm rnôk pah kan, ntrôl ngăch nău kan n’hanh n’hao nău dơi leo kan. Thủ tướng nkah ngăn nău kan mô an geh ăp nău mô ueh mô di, sa nkhiăn sa ƀer, roh lir rnoh kan bâh Ngih dak n’hanh ntŭk rêh jêng. Thủ tướng đă n’gâng kan Rdâk njêng n’hanh ăp ntŭk kan ƀwu tĭng rnoh kan lor, rgum ƀư lôch ăp trong kan geh nchrăp ntuh kơl, an dŏng nău mbơh tơih mĭn uănh an geh nău dơi n’hanh săch ăp nuĭh ntuh kơl tâm di đah ăp nău kan khlăy.