Thủ tướng Chính phủ Lê Minh Hưng râng ntơm ƀư trong ndeh treng hăn ngăch Hà Nội-Quảng Ninh
Thứ hai, 14:13, 13/04/2026
VOV/Nuĭh rblang: Y Sưng Phê Ja
VOV/Nuĭh rblang: Y Sưng Phê Ja
VOV.M’nông - Lơ 12/4, ta n’gor Quảng Ninh, UBND n’gor Quảng Ninh tâm rgop đah UBND ăp n’gor, nkual ƀon têh Hà Nội, Hải Phòng, Bắc Ninh ntơm ƀư nău nchrăp trong ndeh trêng hăn ngăch Hà Nội-Quảng Ninh Thủ tướng Chính phủ Lê Minh Hưng râng ntơm ƀư.
Nău nchrăp ƀư geh rnoh ngăch ƀư dŭt n’hâm 350km/h, rhoăt đêt mông hăn jŭr nklăp 23 mnĭt, ngăch rlău 5-7 tơ̆ aƀaơ hin. Ndơ ƀư yor Vingroup (tă bah Công ty CP Ntuh kơl n’hanh hun hao Trong ndeh treng hăn ngăch VinSpeed) ƀư tơm ntuh kơl, dĭng lĕ prăk rlău 147.000 rmen prăk (rlău 5,6 rmen đôlar, mô hŏ geh sŏk neh).
Trong nchrăp dŏng công nghệ, rmôt tàu n’hanh trong mbơh mhe yor Siemens Mobility an, nkre jao an công nghệ tâm pơk dŏng. Lah trong ndeh treng hăn ngăch 2 nkual ƀon băp, nchrăp dơi mpŏng ngăch hao jêng an nkual wăng sa khlay Bắc Bộ, pơk luh rgâl mpeh ntung trong mhe, rgop n’hao dơi tâm rlong lam dak.
Viết bình luận