Tổng Bí thư, Kruanh dak Tô Lâm rnê ăp nău dơi geh, săk rnglăy têh ngăn bah rmôt vũ trang Quân khu tâm rlău 80 năm bah năp, nkre lah rjăp, đah Quân khu 1, nkual n’har bri hvi, ntŭk ntô jêr jŏt, âk rnoi nuĭh gŭ rêh ndrel.

Tổng bí thư, Kruanh dak Tô Lâm đă, Quân khu 1 rgum ƀư uĕh 5 nău kan khlay, tâm nĕ an mât uănh tay jru hvi trong hăn, nău mĭn êng bah Đảng mpeh tahen, tâm njrăng bri dak, mât njrăng Bri dak tâm nu nău mhe; gĭt ƀon lan, nchroh mbơh ơm, uănh lah di nu nău, tâm ôp tâm nchră ngăch, mô an kâp nchrăp, ndrăt ndal tâm ăp ntil nău. Ndâk njêng nkual njrăng rdâng ta lam nkual Quân khu nar lơ nâp nâl; tâm rnglăp rjăp mât njrăng bri dak đah rnă njrăng, tâm rnglăp bah dih hun hao wăng sa-rêh jêng; mât nâp ƀư tơm, n’har bri, mât đăp mpăn ta ntŭk, mât nâp nuih n’hâm ƀon lan bah ơm, bah ngai, tă bah dâng.