Kêng măng 28/5, ta Ntŭk kan Chính phủ, Thủ tướng Chính phủ Phạm Minh Chính vơt rmôt Nghị sĩ lưỡng đảng Hạ viện Hoa Kỳ khâl ndrel pah kan ta Việt Nam, yor Hạ viện John Moolenaar, bang Michigan, nŭih kan bah Uỷ ban nchrăp Hạ viện Hoa Kỳ, ƀư Kruanh. Tâm nar vơt, Thủ tướng Chính phủ lah rjăp Việt Nam nsôih ƀư ntrong kan tâm nchră đăp mpăn, ƀư tơm, pơk hvi, âk ding, âk ntil tâm boh; lah rjăp nau ntrŭnh ndâk văng sa đăp mpăn, nchrăp ƀư êng, nsôih tâm rnglăp jru, ƀư ân tam.

Thủ tướng Chính phủ đă Moolenaar ndrel ăp Nghị sĩ Hoa Kỳ lŏ kơl an hun hao nau tâm boh đah bar ding, tâm nê geh nau uănh gay leo Việt Nam luh bah rnoh moh săk nkân njrăng nau tăch luh ndơ ndrel ntrŭt dăng nau uănh kơp dơn nau kan văng sa tăch rgâl bah Việt Nam. Hạ nghị sĩ Moolenaar ndrel ăp nghị sĩ kan nsum bah rmôt kan ton nsôih kơl an ntrŭt dăng tâm boh bar ding, tâm nê geh nau tâm boh văng sa, tăch rgâl ndrel tâm nchră nau kan tăch rgâl đah bar dak./.