Kêng măng ntri (27/3), wơt wa Klaus Zellmer, Kruanh Tập đoàn Skoda Auto dôl khâl n’hanh pah kan ta Việt Nam, Thủ tướng Chính phủ Phạm Minh Chính ŭch rŏng Skoda hun hao rêng lam công nghiệp ôtô ta Việt Nam.

Rhơn dơi mâp tay wa Klaus Zellmer, lôch rơh tâm nchră tâm khay 1 mhe aơ nkhêp geh hăn khâl ngăn dak Cộng hòa Czech bah Thủ tướng, Thủ tướng Phạm Minh Chính mbah rhơn Nhih máy ôtô Thành Công Việt Hưng sa nkra ngăn, ntơm jêng ngăn ngăn tâm boh đah Việt Nam n’hanh dak Cộng hòa Czech, lơn lah lôch rnôk bar dak tâm ban ŭch  n’hao tâm boh têh jong lam lĕ rngôch. Lah rjăp Chính phủ Việt Nam ton way ndrel hăn, tâm nkoch đah doanh nghiệp, ton an ăp doanh nghiệp tăch rgâl di pháp luật, kloh rvah, nsĭt geh nău dơi; mbra djăt ăp nău rgop, n’hao dăng nău tâm gĭt wât nsum, n’hao nău dơi geh tâm boh, Thủ tướng Phạm Minh Chính dăn đă Skoda Auto n’hao dăng n’hanh pơk hvi ntuh kơl, tăch rgâl n’hanh tâm boh đah ăp doanh nghiệp Việt Nam tâm trong kan công nghiệp ƀư njêng ndeh ôtô; hun hao rêng lam n’gâng kan công nghiệp ôtô Việt Nam.