Ta rơh pah kan, Thủ tướng Lê Minh Hưng đă nkuăl ƀon têh Hà Nội uănh nđôi nău hun hao 6 khay dŭt năm 2026 gay ma pă jao nău mpŏng kan, ntrong kan na nê̆ an ăp ntŭk kan, n’gâng kan, xã, phường tă ăp ntŭk kan, trong kan, pă an nuĭh leo kan nkuăl ƀon têh uănh nđôi ăp ntŭk, ăp trong kan nău kan, ăp xã phường ntŭk kan. Rgum lĕ rnoh kan gay ma ntrôl an hun hao, tâm nĕ, geh ăp ntrong kan n’hao nău geh tơm prăk ngih dak nâp nâl, mpêt nkrem dŭt đê̆ lah 10% n’hanh nsrôih an geh nău dŏng mpêt nkrem tay rlău 5% rnoh prăk dŏng mbro. Mbơh tơih săk rnglăy, tâm ban, dơn ngoăy nău nchrăp lĕ rngôch Thủ đô Hà Nội mpŏng uănh tât 100 năm dăch bên đah nău ŭch hun hao 2 rnoh mbrô n’hanh tâm di đah nău nchrăp ta nkual Đồng bằng sông Hồng ta rơh năm 2021-2030. Thủ tướng đă nkuăl ƀon têh Hà Nội nsrôih ƀư tĭng ăp trong kan, ƀư lôch nău mpŏng hun hao 11%.