Dŭt jêh 120 mnĭt ƀư bài môn Ngữ văn bah ôi, lơn âk kon se luh bah jrô thi đah nuih n’hâm nsing nơm.

Âk kon se năl đề thi grêt tĭng bôk nău ntĭm nti, gâl rŏ wât dơh oi n’hanh câu nghị luận văn học hŏ njêng ndrât ndal đah mô đêt nuĭh thi. Năl geh ta âk ntŭk thi ta Dak Lak an saơ lôch ƀư jêh môn Ngữ văn, lơn âk kon se nti dơi mât nău mĭn đăp mpăn da dê. Âk kon se ndăn tâm ôp ngăch mpeh bài ƀư đah băl mpôl lor rnôk sĭt rlu, nchrăp môn thi bah kơi tay tâm kêng măng đah môn Toán. Pah kan ƀư thi ta ăp ntŭk thi ta n’gor Dak Lak dơi ƀư răp jăp, đăp mpăn, nta trong dơh gay kon se lăp tâm ăp môn thi tay bah kơi đah nuih n’hâm nsing nơm n’hanh nsrôih geh nău dơi dŭt uĕh.