Aƀaơ lam dak geh 733 ntŭk kan báo chí, hŭch 189 ntŭk kan đah ba năp, ntop geh ƀư tĭng nău ntrŭnh ueh dơh, n’hao săk rnglăy nău kan. Ta rơh tâm mâp măt, ăp ntŭk kan báo chí dăn đă Chính phủ an geh mât uănh tât nău kơl, nău kan na nê̆, nta nău dơh nơih n’hao nău dơi ƀư kan êng n’hanh nău ueh nkô̆ nău kan. Rhơn an ăp mpôl nuĭh ƀư báo, Kruanh  Quốc hội Trần Thanh Mẫn kơp dơn ăp nău tâm rgop khlăy bâh báo chí tâm nău mbơh tơih rgŏ jă, nău kơl an bâh Đảng, Ngih dak, mbơh tơih ngăch rơh kan cách mạng pă dăp nău leo kan, ntrôl an hun hao nău ŭch hun hao. Báo chí lĕ geh mât ƀư tay nău kan mât tơm khlăt tâm nău mât nău ueh êng bâh Đảng, nsrôuh rdâng njrăng đah ăp nău mĭn tih nău mô tâm di, rdâk njêng ntŭk kan mbơh nău mhe ueh, tâm di n’hanh dơn kan.