Lôch du khay mbơh ƀư nău kan, lĕ rngôch trong kan ta Hội lĕ rgum geh bơi tât 762 rmen prăk, geh 152% nău mpŏng ngluh mbơh, kơl an bơi tât 579 rbăn nuĭh geh nău rêh jêr jŏt, mô geh nău dơi ta lam dak. Bâh ntơm geh rơh rgŏ jă gulw ngih dak ta Hà Nội, rơh tâm rŏng tâm kơl lĕ trĕ lam ăp ntŭk rnôk geh tâm rgop sŏng dăng tât rlău 3 rbăn ntŭk tâm mâp ta ntŭk kan ba dâng n’hanh ăp nău kan ta ntŭk rêh jêng tâm pêt tâm kơl- tâm rgop tâm rŏng”, ta Tuyên Quang, Nghệ An, An Giang. nău kan “Ntŭk rêh jêng tâm pêt tâm kơl- tâm rgop nău tâm rŏng” ta pe n’gor geh mbơh tơih đah rnoh khlăy rlău 4,4 rmen prăk, rgum rdâk njêng ngih Chữ thập đỏ, kơl an kon hoc, rnăk ach o. Ta meng nĕ, 1.750 nklâm ndơ đah rnoh khlăy 3,5 rmen prăk lĕ geh pă an nuĭh geh nău khuch tât yor mih sial n’hanh nău rêh ach o. Ăp nău dơi geh bâh Khay tâm pêt tâm kơl năm 2026 lah nău an saơ mpeh nău tâm rnglăp, nău way ơm tâm pêt tâm rŏng ueh bâh mpôl rnoi he.