Kêng măng 6/3, Thủ tướng Phạm Minh Chính lĕ ƀư tơm Rƀŭn nchră trực tuyến lam dak mpeh dôh rklaih, wăk kol, ntrôl hun hao jay gŭ thuk nuĭh. Ta rƀŭn nchră ăp đại biểu rgum tâm nchră sŏng dăng mpeh du đêt nkô̆ nău geh tât rnoh an ƀư ndâk ƀư jay gŭ kon nuĭh an ăp ntŭk, trong ƀư, nău kơl wăk kol an mkra; trong rgŏ jă tơm prăk; ndâk nkra, rpăi rup jay gŭ kon nuĭh, sam ƀŭt sam tra hành chính...

Ntoh ngơi ta rƀŭn nchră Thủ tướng Phạm Minh Chính an gĭt, nău ntrŭnh bah Đảng, Ngih dak ntĭm dŭt kloh lah hun hao ngăch yơn nâp nâl, mô an roh ngăch, tâm ban, đăp mpăn rêh jêng gay tĭng hao jêng wăng sa êng. Thủ tướng ntĭm kloh, an kơl lor jay gŭ thuk lor mư tât jay gŭ tăch rwăt. Jay gŭ kon nuĭh an dơi ntuh kơl rĭng ăp ngih wâl ntung trong, dak si, ntĭm nti, thể thao, nău rêh jêng, ntŭk ntô gŭ âm... kơt jay gŭ tăch rwăt, yơn knŭng êng lah ngih dak geh ăp nău ntop kơl. Thủ tướng lĕ ntĭm kloh du đêt trong mkra lĕ n’hanh dôl dơi ƀư kơt ndâk njêng tơm prăk nkrem jay gŭ ngih dak; nchrai prăk an manh 140 rbăn rmen prăk an jay gŭ thuk.