Lơ 12/3, Thủ tướng Phạm Minh Chính ƀư tơm Rơh rƀŭn tal 2 bah Ban Ntĭm rđău ngih dak mpeh prăk kaih lĕ rngôch. Jêh djăt ăp nău rgop ntoh ngơi, Thủ tướng Phạm Minh Chính lah rjăp tâm trôm pháp lý an nău ƀư tĭng ăp nău rƀong prăk kaih lĕ rngôch mô rlu dơi jêh. Ăp rmôt kan pă manh, tâm pă tay dơi kơp uănh, dăp tay n’hanh hun hao tâm di lơn.

Trong kan nkoch trêng lĕ ƀư uĕh, geh âk trong ƀư mhe. Mpeh nău rƀŏng, Thủ tướng ntĭm kloh nuĭh ƀon lan an dơi gĭt tâm ban đah nău rhŏ prăk kaih, ngăn lah nuĭh ƀon lan ta nkual jru ngai, n’har bri, gôl dak, nuĭh ƀon lan mpeh tâm nuĭh mô lap, kon hŏk, sinh viên. Tă bah rơh cách mạng 4.0 n’hanh rgâl mrô gay dơi gĭt tâm ban, lĕ rngôch mpeh prăk kaih ngih dak, gay he đăp mpăn ngăch tâm ban nău rêh jêng, đăp mpăn rêh jêng kon nuĭh tâm rnôk hun hao.