Ôi 13/3, Thủ tướng Chính phủ ƀư tơm rơh rƀŭn tal 4 Tiểu Ban Wăng sa-rêh jêng Đại hội 14 bah Đảng. Jêh rnôk djăt ăp nău rgop ntoh ngơi, Thủ tướng Phạm Minh Chính đă rmôt nchih rgum djăt ăp nău rgop bah ăp đại biểu gay nkra di tay an lôch jêh n’hanh dăn rgop tay Bộ Chính trị. Thủ tướng lah rjăp, nău ndâk ƀư Dự thảo Mbơh wăng sa-rêh jêng tâm rnôk nu nău lam ntŭr neh rgâl ngăch, jêr njrăng, ntrŭt ntrôl dăng, lĕ rngôch.

Thủ tướng đă an tĭng tâm nău ngăn, ntoh bah nău ngăn, ryơk ngăn, sŏk nău ngăn ƀư mâng treh gay ndâk njêng dự thảo an tĭng đah nu nău ngăn; an ngăch lơn, dăng lơn, cách mạng lơn yơn an di, săk rnglăy. Thủ tướng ntĭm kloh, đă âk, mông nar đêt, nău kan ri âk, nuĭh ƀon lan mpŏng kâp an mĭn njêng m’hâm ƀư geh nău di âk n’hanh an geh 2 nău rƀŏng 100 năm kơt Đại hội 13 bah Đảng lĕ n’gluh an.