Kêng măng ntri (23/4), Thủ tướng Phạm Minh Chính wơt wa bu ur Susanna Campbell, Kruanh Tập đoàn SYRE (Thụy Điển). Ta rơh wơt, Thủ tướng Phạm Minh Chính lah rjăp Việt Nam way uănh khlay tâm boh tâm rnglăp way ơm uĕh lăng đah Thụy Điển.

Thủ tướng rhơn rnê Tập đoàn SYRE nchrăp ntuh kơl nkret njêng tay bok polyester ta Bình Định đah rnoh dăng weh ƀư hao tât 250.000 tấn/năm, tĭng trong rƀŏng ƀư njêng kloh uĕh, ndăn dŏng tay ăp ndŏk nja bok cheh tanh, rgop rgâl kloh uĕh ntŭk gŭ rêh tĭng nuih n’hâm bah ăp tâm nchră bah COP26 tât 28. Thủ tướng lah rjăp, Việt Nam dôl rgum hun hao wăng sa wăch sĭt tay, rgâl ŭnh nar kloh uĕh, ntrŏng aơ lah ngoăy tâm ăp suan ntrôl mhe an hun hao ngăch n’hanh jŏ jong, geh tât rnoh hun hao GDP ntơm bah 8% tâm năm 2025 n’hanh bar mbrô tâm ăp năm tât.