Nŭng nar 5/1, Thủ tướng Phạm Minh Chính hŏ wơt wa Vladimir Petrovich Evtushenkov, Kruanh Tập đoàn AFK Sistema, Liên bang Nga. Ta rơh wơt, Thủ tướng lah rjăp, Việt Nam way uănh khlay n’hanh ŭch rŏng mô rlu hun hao tâm boh dêh bên way ơm n’hanh tâm boh tâm brê têh jong lam lĕ rngôch đah Liên bang Nga. Thủ tướng rnê âk nău Tập đoàn hŏ hun hao ngăch n’hanh hŏ năn pah kan đah ăp tập đoàn, doanh nghiệp têh bah Việt Nam tâm bah ri aơ; dăn đă tập đoàn ntuh kơl âk lơn đŏng ta Việt Nam, ăp doanh nghiệp bar ding tâm boh lhăt, nsĭt geh nău tam lơn đŏng gay ƀư jêng ngăn ngăn ăp nău tâm ton bah kruanh rđău kan gưl têh.

Lah uĕh Thủ tướng Phạm Minh Chính rong an mông wơt, wa Vladimir Petrovich Evtushenkov an gĭt AFK Sistema lah tập đoàn bah dih ngih dak dŭt têh bah Liên bang Nga đah nklăp 300 rbăn nuĭh kan, tăch rgâl tâm âk ntil trong kan: Viễn thông, rhŏ dŏng mbrô, công nghệ mhe, tăch rgâl điện tử, dak si, công nghiệp si n’hanh rdâk njêng jay si đar, tuch tăm mât rong, dak si, rhŏ dŏng manh gŭ nde.... Păng lah rjăp mbra nsrôih ntrŭt ntrôl tâm boh đah mpeh Việt Nam tâm ăp trong kan ma Thủ tướng hŏ rđău đă; nchrăp ndơ̆ rgâl công nghệ, ntĭm nti ăp tŏng rêng nuĭh kan an mpeh Việt Nam gay nsĭt tay nău dơi tam n’hanh nău geh jŏ jong an lĕ bar ding./.