Lah rđău đă ta rnôk tâm nchră, Tổng Bí thư, Kruanh dak Tô Lâm lah rjăp, lăp tâm rơh hun hao mhe bah neh dak, tâm boh dak bah dih bah Việt Nam mpơl nău rgâl mhe nău mĭn, mpơl kloh yor ăp nău mĭn têh mpơl tor kloh trong mĭn.

Tâm boh dak bah dih dơi năl lah nău dơn kan “rgum tơm, way mbro”, mât nău khlay dâk chŏl lor mât njrăng neh dak bah ơm, bah ngai n’hanh nta trong dơh dak bah dih an hun hao neh dak. Tâm boh dak bah dih hun hao tâm ban đah săk geh têh, ring tam n’hanh săk tơm văn hóa bah rnoi nuĭh, rgop năl dơi rup gui du Việt Nam đăp mpăn, ƀư tơm êng, bah tâm lơh tâm su, tâm boh n’hanh geh nău dơn kan. Jâng nsing bah tâm boh dak bah dih lah ƀư tơm êng trong nchrăp têh jong n’hanh nsrôih ndôr êng bah rnoi nuĭh, đăp mpăn nău geh dŭt têh bah neh dak – rnoi nuĭh, sŏk nuĭh ƀon lan ƀư rgum tơm bah ăp trong kơl n’hanh uănh nău rgop an nsum mpôl dak bah dih lah nău dơn kan. Nkre, tâm boh dak bah dih lah n’gâng kan bah lam Đảng, lam ƀon lan, ntik n’hao suan dăng rgum bah lam trong kan chính trị n’hanh bah neh dak.