Tâm rnôk hăn khâl ngăn Singapore, ôi 13/3, Tổng Bí thư Tô Lâm ndrel rmôt kan ntoh măt gưl prêh Việt Nam hŏ geh rơh khâl ndrel pah kan tâm mpông dak lêng Pansir Panjang-ngoai tâm ăp duk rdeng ueh ngăn tâm nkuăl Đông Nam Á gay joi gĭt ăp nau kan hun hao ntrong dak lêng bah Singapore. Tâm mpông Pansir Panjang, Tổng Bí thư Tô Lâm ndrel rmôt kan geh wa Nelson Quek, Tổng Giám đốc rđau kan nkuăl Đông Nam Á ndrel ăp rđau kan PSA Singapore mbơh nau geh ntơm rnôk hun hao, ăp nau ntoh lư ndrel nau kan hun hao bah ndrâm dak lêng.

Tổng Bí thư Tô Lâm rhơn ndrel rnê prêh ăp nau geh dơi bah ndrâm dak lêng ndrel mbơh năm 2025, Việt Nam geh rnoh khlay tăch luh nklăp 800 rmen đôla năm 2024 ndrel dôl rƀŏng tât nkô̆ nau geh 1000 rmen đôla, ndri ma ntrong dak lêng geh nau dơi khlay ngăn tâm nau mât đăp mpăn nkô̆ nau tăch rgâl bah Việt Nam. Tâm nê, Tổng Bí thư ŭch PSA ơm tât tâm Việt Nam gay tâm boh hun hao ntrong mpông ndrâm dak lêng ta Việt Nam yor nau blau bah Singapore tâm nau kan aơ geh nau khlay đah Việt Nam tâm nau ƀư rgâl mhe ntrong ndrâm dak lêng ndrel hun hao nau kan logistic./.