Kêng măng ntri (11/3), Tổng Bí thư Tô Lâm ndrel I ur n’hanh Mpôl đại biểu gưl têh dak he hŏ jŭr tât tach ndeh păr Changi, ntơm ăp nău kan tâm trong hăn khâl ngăn dak Cộng hòa Singapore tĭng nău jă bah Tổng Thư ký Đảng dâk kan ƀon lan (PAP), Thủ tướng Singapore Lawrence Wong. Aơ lah hăn khâl lor bôk năp bah wa Tô Lâm tât Singapore ta nău kan Tổng Bí thư Ban chấp hành Trung ương Đảng Cộng sản Việt Nam, hăn khâl geh nkô̆ dŭt khlay n’hanh ntơm du njuat hăn mhe tâm boh bar ding đah Việt Nam n’hanh Singapore.

Hăn khâl bah Tổng Bí thư Tô Lâm tât Singapore rơh dja lah ntŭk nsing chính trị dŭt khlay gay ntrŭt ntrôl tâm boh dôl dŭt uĕh lăng đah bar dak Việt Nam n’hanh Singapore hao du kơn prêh mhe, ngăn ngăn n’hanh jru hvi lơn. Hăn khâl rgop ƀư jru hvi lơn đŏng tâm boh đah bar Đảng, njêng ntŭk nsing chính trị nâp an tâm boh bar dak; ntik n’hao săk geh tâm boh đah bar dak tâm ăp trong kan: wăng sa kloh uĕh, wăng sa mbrô, khoa học công nghệ n’hanh rgâl blău njêng mhe, ŭnh nar kloh uĕh, ntŭk rgum tơm prăk kaih.