Ntơh măt kruanh rđău kan, Đảng, Ngih dak, njuăl nău ôp khâl ngăn, nău nkah gĭt jru n’hanh ăp nău tâm rŏng dŭt n’hâm tât lĕ rngôch tahen ơm, thanh niên xung phong ơm, dân quân tự vệ ơm, ăp Ma Việt Nam dăng janh, ăp rnăk geh  n’hâm suan đah neh dak, ăp ndrăng băl tahen ơm rmanh, tahen ơm kop ji, rnăk tahen ơm khĭt lam dak; Tổng Bí thư lah rjăp, Lơh dơi khay năm mhe năm 1975 mô dơn geh nkô̆ hôr khlay lịch sử đah rnoi nuĭh Việt Nam, ma hôm geh nău khlay têh mhe, ntroh n’gôr suan dăng trong leo rlăch ndăng rklaih luh rnoi nuĭh lam ntŭr neh đŏng. Nê lah nău dơi bah nuih n’hâm rŏng dak, bah nău  tâm rnglăp lam rnoi nuĭh. Nê lah nău dơi bah hang rkeh kon nuĭh ngăn yơn dŭt dăng, mbra n’groh an lĕ năm druh ndăm, mô dơn nê lĕ ma săk khĭt rêh bah he an neh dak dơi đăp mpăn n’hanh dơn ngoăy, an rnoi nuĭh dơi rklaih luh êng đŏng. Tổng Bí thư lah rjăp: Đảng, Ngih dak way  uănh khlay pah kan “Nkah gĭt sĭt n’glĭng”, lam trong kơl pháp luật an kơl dơh nuĭh geh n’hâm suan mô rlu dơi ƀư ăp tŏng, nar lơn ma ndrăng băl, rŏng nuĭh n’hanh grêt dăch nău ngăn ngăn lơn.