Măng 20/4, Tổng Bí thư Tô Lâm, Bí thư Quân uỷ Trung ương hŏ râng Bôk nau kan njroh mprơ “Neh dak geh nau rhơn”, ngoai tâm âk nau kan du nkah 50 năm Nar rklaih đăp mpăn neh dak. Bôk nau kan ndâk tay rnôk nkah nau ơm ueh janh dăng bah rnoi mpôl nơm, lah rjăp nau dăng janh bah rnôk lơh dơi ueh nâp năm 1975, đah nau râng bah rlau 1000 nŭih njroh mprơ, đah rnoh hvi sân khấu 3000m2. Lôch bôk nau kan, bah ăp nau nkoch, ăp nau njroh mprơ geh nkoch đah ăp nau njroh mprơ ueh lŏ ƀư rjăp lơn tay nau rđau kan tâm di trong bah Đảng, Kruanh Hồ Chí Minh.

Nuih n’hâm tâm lơh dăng janh, ăp nau dơi teh dăng bah tahen ndrel ƀon lan nơm, ƀư ntoh lơn rup gui “Tahen Wa Hồ” tâm rnôk tâm lơh Hồ Chí Minh janh dăng nê; ƀư ueh nau vay ơm tahen ƀon lan Việt Nam janh dăng tâm nau ndâk njêng, mât neh dak, rgop nau leo neh dak hun hao lăp tâm rach năm mhe. Bah nau kan du tŏ tay đŏng lah rjăp nau klay, nau têh dăng, rnoh khlay nau ơm bah rnôk tâm lơh geh nau dơi năm 1975; n’hâm dăng bah nau tâm rnglăp rnoi mpôl, nau ŭch đăp mpăn, dah rŏng ndrel nau mĭn ân geh dơi bah nau đăp mpăn neh dak./.