Kêng măng 11/3, jêh rnôk tât Singgapore, Tổng Bí thư Tô Lâm hŏ vơt ăp rđau kan bah ăp rmôt ƀư nau kan tăch rgâl têh bah Singapore. Vơt wa Trần Thị Lâm, nŭih kơl mbơh nau ân công ty Shangri- La Healthcare Invesment, Tổng Bí thư Tô Lâm rnê rmôt kan ntuh kơl tâm ntŭk kan văng sa, đă ntrŭt dăng ăp nau kan dôl ƀư, lŏ ntuh kơl, ngăn lah tâm nau kan geh rnoh công nghệ prêh, ueh ma ntŭk ntu. Tổng Bí thư mbơh, Việt Nam mra lŏ pơk trong nơih ân nŭih ntuh kơl, nkre đă ăp ntŭk kan, n’gâng kan tâm nkuăl hăn nsum ma ăp tơm ntuh kơl gay ntrŭt dăng nau ƀư kan.

Vơt wa Lim Boon Heng, Kruanh rmôt kan Temasek, Tổng Bí thư Tô Lâm lah rjăp nau kơl an bah Việt Nam tâm nau hun hao văng sa, mbơh Việt Nam hŏ mbơh ăp nau kan hun hao văng sa, ŭch geh nau kan mhe, nŭih kan blau, ndrel tơm tă bah dak ba dih, ndri ma ăp tơm ntuh kơl lah nau khlay. Tâm rnôk aơ, Việt Nam kŏ dŏng tâm nchră kan tăch rgâl dah rŏng, tâm mbơh nchră ma ăp dak gay rklaih nau kan tăch rgâl, đăp mpăn ntŭk ntu kơl nơih ân ăp tơm ntuh kơl, tâm nê geh ăp tơm ntuh kơl bah Singapore./.