Lơ 27/3, Tổng thống Brazil Luiz Inascio Lula da Silva ntơm hăn khâl gưl Ngih dak tât Việt Nam ntơm lơ 27 tât lơ 29/3 tĭng nau jă bah Kruanh dak Lương Cường. Rơh khâl bah Tổng thống Brazil geh nau khlay ngăn, pơk trong gay ntrŭt dăng tâm boh lơn tay đah bar dak tâm rnôk ăp dak kan nsum ƀư nau kan Việt Nam-Brazil. Rơh khâl bah Tổng thống Lula da Silva ndrel ntoh măt gưl prêh ndrel âk ntŭk kan bah Brazil tât Việt Nam rơh aơ mpơl saơ ân nau kan chính trị, nau khlay bah tâm boh bar ding kŏ kơt lah lah rjăp Việt Nam lah dak kan nsum rnơm ngăn bah Brazil.

Rơh khâl lah nhoat hăn khlay tâm nau tâm boh 2 ding, pơk nau dơi tâm nchră ndrel tâm boh tâm âk nau kan tơm, n’hao nau tâm boh tâm ăp rnôk tâm nchră âk ding. Tâm rnôk khâl gưl Ngih dak tât Việt Nam, Tổng thống Lula da Silva râng nau vơt ndrel tâm nchră ma Kruanh dak Lương Cường, tâm mâp rđau kan Đảng, Ngih dak Việt Nam kŏ kơt lah du đê̆ nau kan tơm khlay ta Hà Nội./.