Kêng măng ntri (5/3), ta Hà Nội, wa Nguyễn Xuân Thắng, Giám đốc Học viện Chính trị Quốc gia Hồ Chí Minh, Kruanh Hội đồng lý luận Trung ương wơt mpôl ntơh măt gưl têh bah Ủy ban Trong kan tâm boh dak bah dih Quốc hội Đan Mạch tă bah wa Michael Aastrup Jensen, Chủ nhiệm Ủy ban Trong kan tâm boh dak bah dih Quốc hội Đan Mạch ƀư Kruanh mpôl leo hăn. Mpơl nău nkah uĕh bah năp ăp nău dơi hun hao bah Đan Mạch – ngoăy tâm ăp dak ăp tŏng rhơn răm n’hanh rnoh geh nău rêh dŭt âk lam ntŭr neh, đah jâng văn hóa way ơm jŏ n’hanh săk tơm uĕh êng, nuĭh ƀon lan Đan Mạch dêh bên năch n’hanh dêh rŏng đah bri dak.

Nkre an gĭt, lăp tâm rơh hun hao mhe, rơh hun hao lhung jong bah rnoi nuĭh, Việt Nam dôl tĭng ƀư rgâl trong mât bôk kan, lam trong kan chính trị, nuĭh mât bôk kan ngih dak ăp gưl; nkre, ntrŭt ntrôl ăp suan hun hao mhe; rdâk tay dăng n’hâm nsan rnoi nuĭh, nuih n’hâm nsrôih ndôr êng, n’hao êng săk rnoi nuĭh, mpŏng nđơr hun hao neh dak. Chủ nhiệm Ủy ban Trong kan tâm boh dak bah dih Quốc hội Đan Mạch lah rjăp, Quốc hội Đan Mạch way uănh tâm boh đah Việt Nam n’hanh mbra geh tay ăp nău rgop gay ndơ̆ tâm boh uĕh lăng đah bar dak hao prêh mhe, nar lơn ma ngăn ngăn, nsĭt geh nău tam lơn.