VOV4.M'nông: 80 năm bah năp, lơ 2/9/1945, tâm nklang Quảng trường Ba Đình, Kruanh Hồ Chí Minh răk bản Tuyên ngôn độc lập, deh jêng dak Việt nam Dân chủ Cộng hòa. Tâm mông khlay nê, n’ha cờ chăng mănh êr mpăr tâm nau ntroh bah rmuen play nuih rŏng dak lah rjăp ma lam ntur neh mpeh nau dơi neh ntu, nau dăng bah du rnoi mpôl đăp mpăn, dah rŏng, lah nau geh jêng bah nuih n’hâm rŏng dak, ăp nau roh khĭt bah âk rơh mbơ̆ nô ndrel nuih n’hâm tâm rnglăp rnoi mpôl.

VOV.M'nông- Nar 2/9 lah nkah ndray nar roh bah Kruanh Hồ Chí Minh đŏng- Wa hŏ rđău đă Đảng he, ƀon lan he, neh dak he rlău mô gĭt dah âk jêr jŏt, geh ăp nău dơi têh kuâng tâm rơh rlăch ndăng rklaih luh rnoi nuĭh, mât njrăng neh dak n’hanh rdâk njêng neh dak. Lĕ ma bu ranh, kon se, ŭch kơt nti n’hanh ƀư êng tĭng nău Wa, nsum suan du nuih n’hâm rdâk njêng ƀon tơm neh dak nar lơn ma têh uĕh, geh ndrŏng lơn.

VOV.M'nông- Nar aơ, ta Quảng trường Ba Đình (Hà Nội) ƀư Lễ nkah ndray, n’grĭng, hăn tahen nkah ndray 80 năm Cách mạng Khay pham geh nău dơi n’hanh Quốc khánh 2/9. Ndrel đah nê lah du rut âk nău kan văn hóa, njroh mprơ, pănh pháo kao….ƀư lam dak.  

VOV.Mnông: Ƀư tĭng nău kan n’gâng kan ta ntŭk 2 gưl, âk xã ta Tây Nguyên- Nam Trung bộ geh njêng bâh nău kan nglăp nsum, ntơm nsĭt tay âk nău geh ueh tâm nău leo kan, n’hanh kơl an ƀon lan.

VOV.M’nông - Ta xă Ea Knuêc, n’gor Đắk Lắk, rơh bôk năp nuĭh ƀon lan uănh saơ Bí thư Đảng ủy xă ntoh măt tâm du nar livestream tăch sầu riêng. Bu ur Bí thư mô knŭng ntoh lư nău uĕh, dăch dêh ma hôm yor wa ngơi dăch dêh đêp rmên nkoch bri đah ăp nuĭh ƀon lan bah ƀon đah nău ngơi Êđê me deh bah kônh wa.

VOV.M’nông - Rƀŏng tât nkah ndray 80 năm Cách mạng Khay 8 n’hanh Quốc khánh 2/9, Đại sứ đặc mệnh toàn quyền dak Cộng hòa Dân chủ nhân dân Lào ta Trung Quốc Somphone Sichaleune lĕ leo mpôl đại biểu Đại sứ quán Lào ta Bắc Kinh hăn khâl, mbah rhơn Đại sứ Phạm Thanh Bình n’hanh nsum mpôl cán bộ Đại sứ quán Việt Nam ta Trung Quốc.

VOV.M’nông – Thủ tướng Phạm Minh Chính ntơm tâm ban ŭch đah dự thảo văn kiện mbơh an Đại hội Đảng bộ Hải Phòng n’hanh Quảng Ngãi tâm năm kan tât, nkre ntĭm nău ê hŏ dơi ƀư, nkô̆ nău n’hanh rhoăt nău blău ơm.

VOV.Mnông: - Lơ 28/8, ta ntŭk kan Tâm mâp tăch ndơ pla n’hơ ngih dak, Hà Nội lĕ gegh ƀư rơh ntơm pơk pla n’hơ “80 năm njrăr trong Đăp mpăn- ueh lăng- hơm răm”.

VOV.Mnông: Ta nrŭk ƀư rơh rƀŭn nchră n’gor Gia Lai, Ban Tuyên giáo n’hanh Ban dân vận n’gor Ủy Gia Lai mhe geh ƀư rơh rƀŭn nchră rnê 62 nuĭh kan ntoh lư “rgŏ jă ƀon lan blău” lvang năm 2020-2025.

VOV.Mnông: Lơ 28/8, ta nkuăl ƀon têh Huế, UBND nkuăl ƀon têh tâm rgop đah Hội Khoa học lịch sử Việt Nam ƀư rơh tâm nchră khoa học gưl ngih dak đah bôk nău “80 năm Cách mạng khay 8 n’hanh Quốc khánh lơ 2/9- Nău khlăy lịch sử n’hanh nău khlăy ta rơh mhe”.