Măng (07/01) ta Nhih pah kan Chính phủ, Thủ tướng Chính phủ Phạm Minh Chính ƀư tơm Rơh hop tâl puăn Ban rđău đă rdâk njêng nhih máy điện hạt nhân. Ta rơh hop, Thủ tướng dăn đă let năp tay Bộ Công thương ƀư wat jêh hồ sơ, mbơh nău dŭt bah tâm boh mpeh ntuh kơl rdâk njêng nhih máy điện hạt nhân Ninh Thuận 2 đah băl tâm boh bah năp nê nơh n’hanh mbra tâm nchră ta nuih n’hâm “nsĭt geh tâm ban, rmoh rman tâm kơl” tĭng di quy định bah Luật Điều ước quốc tế n’hanh pháp luật geh tât.

Bah meng nê, lor nchrăp kan nsum đah ăp n’gâng kan, nhih pah kan dơi kan, tâm ban ŭch gay tâm ôp, tâm nchră đah ăp băl tâm boh mpeh ntuh kơl rdâk njêng nhih máy điện hạt nhân Ninh Thuận 1, ngăch mbơh gưl geh nău dơi kan ăp nkô̆ nău wăk kol ntoh luh. Thủ tướng jao Bộ Tài chính kan nsum đah UBND n’gor Khánh Hòa ra uănh tay, dăn đă kơi ntop tơm prăk ngân sách trung ương ntop kơl an ƀư trong nchrăp ntrơn du nuĭh ƀon lan, plơ̆ njêng ntŭk gŭ mhe, rong neh an ăp nhih máy điện hạt nhân Ninh Thuận. Nkre kan nsum ndăn ngăch đah ăp n’gâng kan geh tât, lor ƀư tâm nchră mpeh nău pă an tơm prăk manh ƀư nhih máy điện Ninh Thuận 1, điện Ninh Thuận 2, đăp mpăn ăp kôp đah Hiệp định tâm boh ntuh kơl rdâk njêng nhih máy gay uănh an ƀư tâm khay 3 tât./.