Ôi 29/1, ta Ntŭk Kruanh dak, Kruanh Lương Cường lĕ ƀư tơm Ƀư wơt na nê̆ Kruanh Hội đồng châu Âu Antonio Costa tâm rơh khâl na nê̆ Việt Nam lơ 28 n’hanh 29/1/2026. Jêh ƀư wơt, Kruanh dak Lương Cường n’hanh kruanh Hội đồng châu Âu Antonio Costa ntơm rgum nchră. Ta rgum nchră, Kruanh dak Lương Cường an gĭt: Tâm boh Việt Nam-EU dôl hun hao uĕh, ngăn ngên n’hanh lĕ rngôch. Nsing nơm Chính trị dơi nâp nâl n’hanh n’hao prêh đah EU n’hanh ăp dak kan ndrel.

Wăng sa-tăch rgâl-ntuh kơl lah nuih n’hâm hun hao têh bah tâm boh. Kan ndrel ta ăp ntil nău hun hao jru hvi, lơn lah kan ndrel khoa học, công nghệ n’hanh rgâl mĭn ƀư mhe, lĕ n’hanh dôl jêng du n’gâng tơm kan ndrel mhe, geh nău kan têh đah Việt Nam đah EU n’hanh ăp dak kan ndrel. Mpeh nơm, Kruanh Hội đồng châu Âu Antoni Costa an gĭt Việt Nam n’hanh EU lah kan ndrel du trong, ndrel nuih n’hâm nău tâm ryơk âk trong, đăp mpăn lam ntŭr neh nsing tâm ndơ ơm, tăch rgâl dah rŏng n’hanh hun hao nsing tâm ăp nău n’gâng tơm aơ.