Công an n’gor Lâm Đồng n’hanh Dak Lak mhe nhŭp kân hình sự âk nuĭh geh tât nău ƀư tăch, rdêng pháo rtoh mô tâm di nău way. Lơ 27/1, Công an xă Nhân Cơ, n’gor Lâm Đồng an gĭt lĕ ntrŭnh nhŭp kân hình sự 2 hê N.N.Q (deh năm 1990, gŭ xă Nhân Cơ) n’hanh Đ.V.T (deh năm 1997, gŭ xă Thuận Hạnh) mpeh nău ƀư tăch ndơ mô an dŏng lah pháo rtoh.

Ta năp nĕ, măng 23/1, Công an saơ N.N.Q dôl rdêng 7 hộp pháo nkao rtoh ntil 49 grăp/hôp; hăn uănh ntŭk gŭ sŏk kân tay 2 hôp tâm ban. Bah nău mbơh, rmôt kan dơi kan năl rnoh pháo yor Đ.V.T an n’hanh lĕ rgŏ jă nuĭh hăn chuh chŭn. Ndrel nar, Công an phường Tân An, n’gor Dak Lak nhŭp kân đŏng hình sự Bùi Quang Nhật (33 năm deh, gŭ phường Tân An) yor tăch pháo ntŭng; pơng nchăm rwăt 4 hộp pháo nkao rtoh nglăp rwăt ntŭng jâk nklăp 7kg tă bah mạng xã hội n’hanh mpôn ta jay ri geh saơ.