N’gâng kan Xây dựng mhe geh samƀŭt ơh dăn đă bah Tập đoàn Đức Long Gia Lai mpeh nău ntuh kơl trong têh hăn ngăch Pleiku-Buôn Ma Thuột-Gia Nghĩa tĭng trong kan ndrel êng nsum (PPP). Tă bah nĕ, N’gâng kan Xây dựng lah nău mĭn njêng nău nchrăp ƀư an tĭng tŏng ăp lĕ nău ntrŭnh pháp luật mpeh nău dơi mkra n’hanh rnoh prăk ngih dak râng.

Ta samƀŭt mpeh mĭn njêng ntuh kơl trong têh hăn ngăch Pleiku-Buôn Ma Thuột-Gia Nghĩa tĭng trong kan ndrel nsum êng, njuăl Đức Long Gia Lai, N’gâng kan Xây dựng mbơh: nău nchrăp ƀư geh trong têh, hăn rlău âk n’gor n’hanh geh dŏng prăk ngih dak. Yor nê, Bộ Xây dựng an lah, nău mĭn njêng ntuh kơl an dơi ƀư tĭng di gưl, samƀŭt samtra tĭng Luật Ntuh kơl tĭng trong kan ndrel nsum êng, Luật Ntuh kơl n’hanh ăp samƀŭt ntĭm ƀư. N’gâng kan Xây dựng đă Tập đoàn Đức Long Gia Lai pah kan đah UBND ăp n’gor Gia Lai, Dak Lak n’hanh Lâm Đồng fat mbơh ƀư di gưl. N’gâng kan Xây dựng mbra ntĭm samƀŭt rgŏ năp tay jêh rnôk dơi dơn dăn đă na nê̆ n’hanh nău tâm ban ŭch bah ăp n’gor geh tât.