Măng 29/1, ta Ngih rƀŭn nchră Lam ntŭr neh, Kruanh dak Lương Cường lĕ ƀư tơm sông  sa lĕ rngôch Kruanh Hội đồng châu Âu Antonio Costa ndrel mpôl gưl prêh Liên minh châu Âu (EU) tâm rơh khâl na nê̆ Việt Nam. Kruanh dak mĭn lah nău 2 ding ntrŭnh n’hao tâm boh kan ndrel têh lĕ rngôch, rnoh kan ndrel prêh ngăn, lah nău uănh khlay n’hanh dŭt n’hâm chính trị bah 2 ding ndơ̆ tâm boh Việt Nam-EU ngăn ngên jêng du rup rpăi kan ndrel.

Kruanh Hội đồng châu Âu Antonio Costa uănh lah nău n’hao tâm boh đah EU n’hanh Việt Nam hao kan ndrel têh lĕ rngôch lah du nău ntrŭnh geh nkô̆ nău khlay, nkre ƀư trong uănh jŏ jong rƀŏng tât bah 2 ding. Tâm ton aơ boăt nthoi bah 35 năm kan ndrel rjăp, lah trong hăn hun hao têh dăng bah tâm boh EU-Việt Nam ta trong tâm nchră, nsing nơm, tâm ryơk ndrel n’hanh tâm ton ndrel yor đăp mpăn, uĕh lăng.