Lôch geh djăt nău mbơh tơih mpeh nău tâm rgop nău, Kruanh dak lĕ geh dơn ngoăy đah ăp nkô̆ nău ngluh mbơh, nkre lah na nê̆ nău ŭch mât dŏng răng dăng ăp nău ntrŭnh, ntĭm đă bâh n’gâng kan chính trị, Ban bí thư n’hanh ntĭm leo bâh ăp ntŭk kan geh tât tâm nău leo ƀư pah kan leo Tết. Kruanh dak đă nchrăp an ueh ăp nău dơi kơl an ƀon lan rhơn vơt năm me, vơt Tết đăp mpăn, ueh, mpêt nkrem, njêng nău nđơr, rhơn  bâh bôk năm 2026. Ta eng nĕ, an geh ƀư ueh nău ôp khâl, rhơn Tết an ăp cán bộ leo kan cách mạng kăl e, rnăk vâl dơi kơl, nuĭh geh kan, tahen n’hanh ăp ntŭk kan ƀư nău kan ta nkual njônh ngai, nkual n’har bri, gôl dak, mât đăp mpăn ăp nuĭh ƀon lan geh vơt Tết tŏng ăp, ueh răm.