Ƀư tĭng Nghị định mrô 154 năm 2025 bah Chính phủ, lơ 29/1/2026 n’gor Lâm Đồng an trong nchrăp n’hŭch biên chế năm 2026. Trong nchrăp gay dăp tay, dơh đêt rmôt n’gâng kan, n’hao tam, săk rnglăy nău kan bah ăp ngih pah kan hành chính ngih dak, ntŭk kan sự nghiệp công lập ta lam n’gor.

Tĭng nĕ, tâm năm 2026, n’gor Lâm Đồng nchrăp geh 605 cán bộ, công chức, viên chức ta 104 ngih pah kan, ntŭk kan, ƀon lan ƀư tĭng n’hŭch biên chế. Tâm nĕ, 468 nuĭh dơi geh nău kơl rlu ranh bah năp năm n’hanh 137 nuĭh geh nău kơl rlu nău kan tĭng nău ntrŭnh. N’gor Lâm Đồng mĭn lah kloh nău rƀŏng mô knŭng n’hŭch mpeh rnoh nuĭh, ma hôm dăp tay, n’hao uĕh rmôt kan, tâm di nău đă nău kan tâm nu nău mhe, rƀŏng tât ndâk njêng trong hành chính dơh đêt, blău kan, pah kan tam, săk rnglăy.